Мицотакис бара Германија и земјите од ЕУ да ги прифатат мигрантите

Грчкиот премиер Киријакос Микотакис ја повика Германија и другите земји од ЕУ да земат мигранти и баратели на азил директно од грчкиот остров Лезбос.

– Идејата е дел од постапките за азил да се спроведуваат во други земји, рече Микотакис за денешното издание на германскиот весник „Билд ам Зонтаг“

Тој рече дека мора да се подобри европскиот систем на азил и миграција, како што веќе вети и Европската комисија, и додаде дека товарот од тој проблем мора да се подели со други.

Околу 39.000 мигранти живеат во и околу центрите на Лезбос, Хиос, Лерос и Кос, со капацитет од 7.500 луѓе.

Пристигнувањата на мигранти од соседна Турција повторно се зголемуваат, при што над 37,000 луѓе се наоѓаат во кампови на островите.