Мицкоски: ВМРО-ДПМНЕ нема да поддржи какви било уставни измени
Силно ве уверувам дека ВМРО ДПМНЕ нема да поддржи какви било уставни измени, порача вечерва лидерот на ВМРО-ДПМНЕ Христијан Мицкоски пред почетокот на протестот за отфрлање на францускиот предлог за деблокада на евроинтеграциите на државава.
-Денеска ја добивме информацијата дека Владата одлучила преговарачката рамка и оној втор документ којшто претставува заклучоци на Советот коишто се практично дел од договорот којшто Владата на СДСМ и ДУИ го направила со официјална Софија го пренесле денеска во Парламентот иако не ја гледаме никој логиката зошто во Парламентот кога станува збор за меѓувладина односно Владата е таа која што носи одлука во сето ова. Парламентот доколку донесе Владата одлука за што ние силно протестираме и велиме таа да биде не, тогаш е тој којшто одлучува, изјави Мицкоски.
Тој нагласи дека ВМРО ДПМНЕ нема да поддржи какви било уставни измени.
-Македонската јавност да биде сигурна дека што и да се случува понатаму со ова национално предавство и катастрофа која што ја подготвува Владата на СДСМ и ДУИ, ВМРО ДПМНЕ во Парламентот тоа нема да го прифати. За тоа се потребни 80 пратеника, бидете сигурни дека тие 80 пратеника ги немаат и тоа треба на сите да им е јасно и во Македонија и надвор од Македонија, рече Мицкоски, порачувајќи воедно дека нема да неседнуваат на провокации на протестите.
Одговарајќи на новинарско прашање за тоа дали пратеницте од ВМРО-ДПМНЕ ќе гласаат за уставни измени, рече дека „такви предавници во овој состав на ВМРО ДПМНЕ и коалицијата нема“.
-Јас ве уверувам, и спремен сум за тоа да гарантирам, потенцира Мицкоски.
Тој рече дека „Владата е група на кукавици која што се плаши самата да донесе одлука па го пренесува тежиштето во Парламентот, иако Парламентот нема никаква формална нормативна улога и дополнително го поларизира народот, дополнително создава нервози и фрустрација“.
-ВМРО ДПМНЕ ќе делува согласно стратегијата која што ќе ја договориме, а стратегијата е да сториме се да му објасниме на народот во Македонија дека ова не е неговата иднина, дека ова е предавство кое што напротив ја стопира нашата иднина во обединета Европа, изјави Мицкоски и најави дека стратегијата ќе ја договорат деновиве.
Ново на Сител
-
Ана Брнабиќ: Со усвојување три медиумски закони, Србија ќе добие закони целосно усогласени со оние на ЕУ
-
Утре топло со температура до 38 степени
-
Скопјанец приведен во Кавадарци поради агресивно и недолично однесување
-
Жител на Пепелиште пријавил напад од три лица, напад и врз неговите родители и бабата
-
Приведен 58-годишен маж од Кавадарци, возел со 2,13 промили алкохол во крвта
-
Елмас: Може да жалиме што не ја победивме Белгија
-
Синер убедливо го победи Ѓоковиќ и се пласираше во финалето на Ролан Гарос
-
Приведен криминалец од Штип за доиздржување затворска казна од 11 години и осум месеци