Мицкоски: ВМРО-ДПМНЕ не поддржува никаква скриена амнестија со законот за градење
Претседателот на ВМРО-ДПМНЕ, Христијан Мицкоски при денешната посета во Штип во рамките на партиските активности за средби со граѓани, бизнис заедница и разни општествени дејци како здравствени работници и наставен кадар, истакна дека партијата не поддржувана никаква скриена амнестија со Законот за утврдување на правниот статус на бесправно изградените објекти кој минатата недела беше изгласан во македонското Собрание.
Тој го потенцираше одговарајќи на новинарско прашање каде што додаде дека единствен аболиран политичар во државата е, за жал, актуелниот премиер Зоран Заев кој освен што е аболиран од претседателот, премиерскиот мандат го започнал со активен судски процес.
„Мислам дека се политизира без потреба, повторно се препелкаат од СДСМ и бараат виновник таму каде што не е виновникот. Нека се погледнат самите и ќе го добијат одговорот на вашето прашање. Ако има скриена амнестија, таа амнестија многу порано ја даде еден претседател на државата за денешниот премиер, за жал, во владата кој што е единствен аболициран политичар и човек кој што со активен судски предмет влезе во неговиот мандат во 2017 година“, рече претседателот Мицкоски.
Потенцираше дека со законот за легализација на дивоградби, кој што пратениците го изгласаа во Собранието и за кој се најавува јавна дебата, нема никаква скриена амнестија и дека на истата прецизно ќе се слушнат ставовите на ВМРО-ДПМНЕ.
Ново на Сител
-
Играчите на АЕК се повлекоа, натпреварот со Алкалоид одложен
-
Париските таксисти се закануваат дека ќе го блокираат пристапот до Ролан Гарос
-
Френки де Јонг би можел да ја напушти Барселона во летниот преоден рок
-
Манчестер сити, Челзи и Њукасл изборија учество во ЛШ на крајот од сезоната во Премиер лигата
-
УХМР: Утре се очекува силен ветер од северен правец
-
Израелската војска соопшти дека ги „интензивира“ активностите во Газа
-
Полковникот Стефан Ивановски и Ана Нешковска од MO загинале во сообраќајката кај „Илинден“
-
Таравари: Вознемиреност со чувство на вина, победата во октомври е многу блиску