Мицкоски на Конгрес на Европската народна партија во Валенсија
Премиерот и претседател на ВМРО-ДПМНЕ, Христијан Мицкоски со партиска делегација составена од потпретседателите Александар Николоски и Тимчо Муцунски, меѓународниот секретар Стефан Андоновски, како и преставници на Унијата на жени предводени од претседателката Жаклина Пешевска и преставници на Унијата на млади сили, денеска и утре ќе присуствуваат на дводневниот Конгрес на Eвропската народна партија (ЕПП) во Валенсија, Шпанија.
На конгресот, информираа денеска од ВМРО - ДПМНЕ, Мицкоски ќе има обраќање на првата пленарна сесија.
Предвидено е Мицкоски да одржи и неколку билатерални средби, меѓу кои со австрискиот премиер и претседател на сестринската партија ОВП, Кристијан Стокер, како и со претседателот на Српската напредна странка и поранешен премиер на Србија, Милош Вучевиќ, со претседателот на Демократската партија на Албанија и поранешен премиер и претседател на Албанија, Сали Бериша и други европски лидери.
Исто така, претседателот на ВМРО - ДПМНЕ Христијан Мицкоски ќе присуствува и на вечерата организирана за лидерите од Европската народна партија.
Ново на Сител
-
ИК на ВМРО-ДПМНЕ вечерва дискутира за предлог-кандидатите за градоначалници за локалните избори
-
Мицкоски: Македонија во силно сојузништво со Обединетото Кралство, промените се случуваат
-
Платини го брани Мбапе: Не го терајте да игра како Меси
-
Започнува продажбата на билети за Македонија - Белгија
-
Јунајтед исвиркан во Куала Лумпур, Аморим вели тоа може да биде корисно
-
Николоски по ратификацијата на договорот: Ќе ја направиме Македонија подобро место за живеење
-
Трамп вели дека го предупредил Нетанјаху да не го напаѓа Иран
-
Малолетник приведен за пет тешки кражби