Мета: Косово да го ратификува Договорот за демаркација со Црна Гора
Тирана го подржува потпишаниот Договор за демаркација на границата меѓу Косово и Црна Гора, изјави претседателот на албанскиот Парламент, Илир Мета по средбата со неговиот косовски колега Кадри Весели.
Како што јави дописникот на МИА, Мета при тоа ги повика пратениците во Собранието на Косово да го ратификуваат Договорот, на чие усвојување жестоко се противи косовската опозиција.
- Искажуваме целосна подршка на Договор за демаркација на границата со Црна Гора, од кој зависи либерализацијата на визниот режим за граѓаните на Косово и надминувањето на политичката стагнација, порача синоќа Мета.
На заедничката прес-конфереција со Весели, Мета изрази поддршка и на продолжувањето на дијалогот меѓу Белград и Приштина.
- Убедени сме дека несомнено сите треба да го поддржиме дијалогот со Србија, бидејќи тој е неопходен за понатамошно зацврстување на стабилноста и безбедноста во нашиот регион, посочи Мета.
Тој изрази жалење во врска со, како што рече, неприфатливото апсење на поранешниот косовски премиер Рамуш Харадинај во Франција, што, според него, е „потврда за недостигот на волја кај властите во Србија за нормализација на односите“.
Весели од своја страна изјави дека Приштина ќе продолжи со ангажирањето околу прашањето за ретификација на договорот за демаркација, а изрази уверување дека Харадиај наскоро ќе биде на слобода.
Весели за време на престојот во Тирана денеска ќе биде примен од албанскиот државен врв.
Ново на Сител
-
По апсењето на градоначалникот на Тирана, опозицијата бара оставка на Рама
-
Владата на Србија тврди дека ги исполнила сите барања на студентите
-
За градоначалникот на Тирана, затворски, за сопругата, која е надвор од земјата, куќен притвор
-
Трамп: Палестинците ќе добијат нови домови, но не во Газа
-
Пожар во куќа во скопско Нерези
-
Во Центар три лица влегле во соблекувалните на спа центар, празнеле паричници
-
Владата утре се очекува да разговара за цените на прехранбените производи
-
Меџити: Во општина Свети Николе само во водоводна инфраструктура инвестираме над 1.3 милиони евра