„Мета“ го враќа препознавањето лице на „Фејсбук“ и „Инстаграм“
Компанијата „Мета“, сопственичка на „Фејсбук“ и „Инстаграм“, одлучи да ја врати технологијата за препознавање лица во своите апликации, откако пред три години „го исклучи“ овој систем поради негативната реакција на јавноста на „Фејсбук“.
Новиот потег е „со цел да борба против измамите“ и „помош за корисниците кои го изгубиле пристапот до нивните профили“, се вели во соопштението. Така, првичниот тест ќе користи препознавање лица за откривање лажни објави и реклами со лице на позната и јавна личност.
„Ако нашиот систем открие дека нешто би можело да биде измама со ликот на јавна личност, ќе ја користиме технологијата за препознавање лице заради совпаѓање на лицето во рекламата со профилните фотографии на таа јавна личност на 'Фејсбук' и 'Инстаграм'. Ако се најде потребното совпаѓање, а огласот е измама, ќе ја блокираме објавата“, соопшти „Мета“.
Компанијата веќе ја овозможи функцијата за мал број познати и јавни личности, а наредниве недели ќе почне автоматски да додава повеќе лица кон тоа. Сепак, како поединец, корисникот ќе има можност да ја исклучи таа заштита од социјалната мрежа.
- Ова е процес во реално време - побрз и попрецизен од рачниот преглед, рече Моника Бикерт, потпретседателка за политика за содржина во „Мета“.
Од „Мета“ соопштуваат и оти „веднаш ќе ги бришат податоците собрани со препознавање на лице“, што ќе се користи само за споредба. Исто така, „скенирањата нема да се користат за други цели“, се вели, а и познатите личности, како и сите корисници, ќе можат да изберат дали сакаат или не заштита од лажни објави и реклами.
Ново на Сител
-
Интервентни мерки во вторник за поевтина храна, најави премиерот
-
Најави за странски инвестиции
-
Полициските контроли резултираа со намален број на интервенции на сообраќајки на Брзата помош
-
Тошковски: Селективната примена на закони ја загрозува правдата
-
Мицкоски: Победуваме на локални, имаме предност од 4:1
-
Мицкоски бара јавен притисок за промени во Судскиот совет
-
Украдени електрониката и каблите од новиот водовод на Трескавец, пуштањето во употреба одложено за март
-
УГД со бесплатни часови за матурантите по математика, физика, хемија и биологија