Меркел во посета на Турција
Германската канцеларка Ангела Меркел денеска ќе престојува во посета на Анкара, каде со претставниците на турските власти ќе разговара за проблемот со бегалците.
Портпаролот на Меркел, Штефан Зајберт соопшти дека посетата била договорена за време на неодамнешната донаторска конференција за Сирија, што се одржа во Лондон.
Според најавите, Меркел во Анкара ќе се сретне со турскиот претседател Реџеп Тајип Ердоган и со премиерот Ахмед Давутоглу, како дел од напорите на Берлин за намалување на приливот на имигранти во Европа, од кои најголемиот број завршуваат во Германија.
Најавувајќи ја својата средба со Меркел, Ердоган истакна дека „во последно време зачестиле неговите разговори со канцеларката Меркел, што на некој начин е и добро“.
Турција лани во ноември се согласи да го ограничи приливот на имигранти од нејзина територија кон Европа, во замена за помош од ЕУ во износ од три милијарди евра.
Ново на Сител
-
Девизните резерви на крајот на април 4,77 милијарди евра
-
Македонските ракометари ја совладаа Естонија во евроквалификациите
-
Американецот Роберт Превост е новиот папа, со избрано име Лав 14
-
Кардиналот Ре се надева дека вечерва ќе биде избран новиот папа
-
Скопската полиција на лице место фати криминалци кои краделе во објектите на поранешна Железара
-
Кривична против 39-годишник, ја следел неговата поранешна партнерка и упатувал закани преку пораки
-
Кривична за сопственик на фирма, работник без работна дозвола се заглавил во работна машина и починал
-
Лишен од слобода албански државјанин на ГП „Блато“, понудил поткуп на полицаец