Меркел во посета на Обединети Арапски Емирати
Германската канцеларка Ангела Меркел денеска пристигна во посета на Обединети Арапски Емирати по посетата на Саудиска Арабија, каде со кралот Салман и други саудиски претставници разговараше за правата на жениоте и за војната во Јемен.
Во Абу Даби, Меркел беше пречекана од престолонаследникот принцот Мохамед бин Зајед Ал Најан. Тема на разговор ќе бидат подготовките за самитот на Г-20, што ќе се одржи во Хамбург на седми и осми јули.
Меркел е придружувана од германска бизнис делегација.
Саудиска Арабија и Обединети Арапски Емирати се двата најголеми трговски партнери на Германија на Блискиот Исток.
Тема на разговор ќе бидат конфликтите во Јемен, во Сирија и во Либија.
- Германија може да се вклучи во процесот на изнаоѓање на решение за конфликтот во Јемен по дипломатски пат, посочи Меркел.
Таа додаде дека за таквата иницијатива добила поддршка од Саудиска Арабија, а разговарала и со генералниот секретар на Обединети нации, Антонио Гутереш.
- За Германија е невозможно воено решение на конфликтот во Јемен, истакна германската канцеларка.
Во Јемен од август 2014 година се води војна меѓу владините сили и шиитските бунтовници Хути. Во март 2015 година на страната на владините сили се придружи регионална коалиција предводена од Саудиска Арабија. Според ОН во Јемен приближно 19 милиони луѓе имаат потреба од хуманитарна помош, што е две третини од вкупно 7,3 милиони население.
Ново на Сител
-
Играчите на АЕК се повлекоа, натпреварот со Алкалоид одложен
-
Париските таксисти се закануваат дека ќе го блокираат пристапот до Ролан Гарос
-
Френки де Јонг би можел да ја напушти Барселона во летниот преоден рок
-
Манчестер сити, Челзи и Њукасл изборија учество во ЛШ на крајот од сезоната во Премиер лигата
-
УХМР: Утре се очекува силен ветер од северен правец
-
Израелската војска соопшти дека ги „интензивира“ активностите во Газа
-
Полковникот Стефан Ивановски и Ана Нешковска од MO загинале во сообраќајката кај „Илинден“
-
Таравари: Вознемиреност со чувство на вина, победата во октомври е многу блиску