Меркел и Ренци разговараа за бегалската криза
Германската канцеларка Ангела Меркел денеска се ангажираше за брза примена на договорот на ЕУ и Турција за имигрантите, додека италијанскиот премиер Матео Ренци предупреди дека „крај на Шенгенот значи крај за Европа“.
- Зборувавме за прашањето за бегалците, како и за договорот на Брисел и Анкара кој мора веднаш да се примени, рече Меркел на заедничката прес-конференција со италијанскиот премиер.
Италија го блокираше планот на ЕУ кој предвидува на Турција да и се обезбеди помош од три милијарди евра, а таа во замена да го спречи приливот на имигранти во Европа, потсетува Танјуг.
Ренци истакна дека земјите во ЕУ мора да работат заеднички на решавањето на миграциската криза. Истовремено предупреди дека ако ЕУ се откаже од Шенгенот тоа ќе значи дека се откажуваме од Европа, пренесува Танјуг.
Ренци и Меркел рекоа дека членките на ЕУ треба да се ангажираат на решавање на проблемите во бегалските кампови надвор од Европа, како би помогнале да се спречи приливот, зголемувајќи ја заштитата на своите надворешни граници и да направат се што е во нивна можност праведно да ги распоредат они кои заслужуваат азил.
Ренце вчера, пред состанокот со Меркел, изјави дека е неприфатливо германската канцеларка да прави договори за европската бегалска криза со францускиот претседател и шефот на Европската комисија, а во тоа да не ја вклучи Италија.
Ренци нагласи дека би бил воодушевен кога Меркел и Оланд би можеле да ги решат сите европски проблеми.
- Но тоа не е случај, наведе Ренци во интервјуто за германскиот весник „ФАЗ“.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар