Меморандум за соработка меѓу Штипскиот универзитет и „Шпаркасе банка“
Соработката која и досега ја имаат Универзитетот „Гоце Делчев“ – Штип и „Шпаркасе банка“ од денеска е официјализирана со меморандум за соработка кој го потпишаа генералниот директор на банката Глигор Бишев и ректорот на Универзитетот Блажо Боев.
Со овој договор се отвораат можности за студентите и вработените на УГД за работа на заеднички проекти меѓу двете институции во насока на размена на идеи и знаења. Според Бишев, формалното официјализирање на соработката која веќе постои покажува дека еден од најважните фактори за успех на секоја компанија се вработените.
- Од тој аспект, кадарот што се продуцира во Универзитетот „Гоце Делчев“ и останатите универзитети даваат свој придонес и во развојот на македонската економија и банкарството, и од тој аспект студентите ќе можат да доаѓаат на пракса, да ги применуваат знаењата кои ги стекнале, и тоа не само во „Шпаркасе банка“-Македонија, туку и во целата групација која е во 14 земји. Се разбира, ќе може и да ги видат и нашите искуства и, евентуално, во зависност од потребите да се вработуваат - било во банкарството, било во приватниот сектор на економијата, рече Бишев.
За ректорот на УГД-Штип, Боев, овој договор за соработка е уште една потврда за посветеноста на УГД на соработката со реалниот сектор.
- Денеска имаме особена чест да ја официјализираме соработката со „Шпаркасе банка“-Македонија, како врвна установа во областа на банкарството во Македонија и пошироко во Европа. Ние како универзитет полагаме многу во ваквите соработки во делот на реалниот сектор кој постои. Ние продуцираме кадри, но тие мора да најдат вработување во реалниот сектор. Спогодбата е реална, со реални претпоставки за тоа нашите студенти да одат на пракса во експозитурите на „Шпаркасе“ во Македонија, но и во нивните експозитури во Европа, од една страна, а од друга страна студентите да најдат работа, и тоа најдобрите студенти, бидејќи ние треба да продуцираме добри и квалитетни студенти за да можат реално да придонесат за развојот на нашата економија и нашиот бизнис, рече Боев.
Ново на Сител
-
Орбан и одговори на Фон дер Лајен: Не мешајте се во внатрешните закони на земјите-членки
-
Трипуновски: Го вреднуваме трудот на земјоделците, исплатени над девет милијарди денари субвенции
-
19-годишно момче од Македонија се удави во Ханиоти
-
И нанел набиеници со крвни подливи и се заканувал дека ќе ја убие, обвинение за таткото што ја тепаше 4-годишната ќерка
-
Бела куќа: Иран не го преместил збогатениот ураниум пред нападот
-
ИЈЗ со препораки за заштита на повозрасните од топлото време
-
Бројот на умрени од насилна смрт лани зголемен за 24 проценти, над две третини се мажи
-
Средба Славески - Рокас: Ценовната стабилност останува приоритет на централната банка