Мелничарите бараат решение за надминување на состојбите во оваа индустрија
Мелничарите апелираат итно да се изнајде решение за нивниот проблем со увозното евтино брашно поради кое, како што велат, се неконкуретни на пазарот, а мелничко-пекарската индустрија е пред колапс.
Тие бараат да се субвенционира мелничката индустрија со 2,5 денари за килограм откупена пченица од минатата реколта, а пред следната жетва да се најде трајно решение.
Претседателот на Групацијата на мелничко-пекарската индустрија Горан Малишиќ денеска изјави дека мелничката индустрија се соочува со неконкурентна цена од увозно брашно која тие како мелничари не можат да ја постигнат поради високата откупна цена на пченицата.
Од друга страна земјоделците кои произведуваат пченица ги поддржуваат барањата на мелничката индустрија, но тие пак бараат од Министерството за земјоделство да им се надомести разликата меѓу продажната и производната цена на пченицата.
- Како производители на пченица бараме од Министерството за земјоделство да ни се надомести разликата меѓу продажната и производната цена која се движи околу 2 денари, рече Ефтим Шаклев од Асоцијацијата на земјоделци.
За решавање на овој проблем во Стопанската комора на Македонија се одржува состанок на кој присуствуваат претставници на мелничко-пекарската индустрија, производителите на пченица и од надлежните институции.
Ново на Сител
-
Падна и член на Советот на јавни обвинители, Мемети осомничен за поткупот во случајот на Боро Малборо
-
Гласаат болните, изнемоштените и затворениците пред утрешното прегласување за парламентарните избори во седум избирачки места
-
Судскиот совет му го одзема имунитетот на врховниот судија Георгиев и одобри негов притвор
-
Серија од 49 земјотреси во регионот на Неапол, најголем број во последните 40 години
-
Косовската полиција во филијалите на српската Поштенска штедилница во северно Косово запленила 1,6 милиони евра и 74,7 милиони динари
-
Сообраќајот на државните патишта се одвива непречено
-
Сончево и топло, попладне локално дожд и грмежи
-
За 12 октомври се подготвува реванш меѓу Усик и Фјури