Свет
19. August 2016 - 8:26

Мексиканската полиција егзекутирала 22 лица во ранч

Мексиканската полиција измачувала и егзекутирала 22 лица во ранч во западната држава Мичоакан во текот на минатата година, соопшти денеска Националната комисија за заштита на човековите права. 

- Истрагата утврди мноштво нарушувања на човековите права од страна на владините сили, посочи претседателот на комисијата Луис Раул Гонсалес Перес. 

Според властите, убиените били членови на нарко картел, кои се криеле на ранч во Танхуато. 

Државата Мичоакин, која се наоѓа на околу 300 километри западно од Мексико, се смета за една од земјите со најголем број на насилства и центар на континуираната нарко-војна меѓу различни картели. 

Мексиканската полиција ги отфрла обвиненијата и тврди дека дејствувале во самоодбрана откако биле нападнати.