Мекдоналдс ја повлече продажбата на „квартер пондер“ хамбургери во САД
Синџирот за брза храна Мекдоналдс ја повлече продажбата на хамбургери „квартер пондер“ во една петтина од своите ресторани во Соединетите Американски Држави, откако почна зараза со ешерихија коли, од која по конзумирањето на тој хамбургер се разболеа речиси 50 луѓе во 10 земји, а една жена почина.
Портпаролот на Мекдоналдс изјави дека синџирот за брза храна продал околу еден милион од тие хамбургери во временската рамка кога се појавила болеста, објави Си-Би-Ес Њуз.
Американските центри за контрола и превенција на болести во вторникот констатираа дека бургерите се поврзани со заразата која е забележана во Колорадо, Небраска и други држави.
Повеќето од оние кои се разболеле пријавиле дека јаделе таков хамбургер од тој ресторан, а инспекторите работат на тоа да потврдат која состојка на храната била контаминирана.
Мекдоналдс соопшти дека неговите хамбургери се готват на 175 степени, над нивото од 160 степени потребно за да се убие бактеријата ешерихија коли.
Главниот директор на синџирот за снабдување во Северна Америка, Цезар Пиња, рече дека првичната истрага на компанијата сугерира дека некои од болестите на ешерихија коли може да се поврзани со исечениот кромид што се користи во хамбургерите.
Мекдоналдс го отстрани исечениот кромид и говедското месо од од овие сендвичи во Колорадо, Канзас, Јута, Вајоминг и делови од Ајдахо, Ајова, Мисури, Монтана, Небраска, Невада, Ново Мексико и Оклахома.
Ново на Сител
-
Одреден 30 дневен притвор за пет лица вмешани во убиството на 25 годишниот турски државјанин
-
Скопје се придружи кон повикот на ЕУ на безусловен 30-дневен прекин на огнот во Украина
-
ФИФА одлучи: 48 екипи за Светското првенство во фудбал за жени
-
Шефот на дипломатијата на Србија: Нема да има санкции од ЕУ поради посетата на Вучиќ на Москва
-
САД и Кина денеска почнуваат трговски преговори во Швајцарија
-
Приведен стружанец, управувал мотоцикл со 2,28 промили алкохол и излетал од патот
-
За првпат објавен Извештајот за спроведување на макропрудентната политика на Народната банка
-
Ким Џонг-ун: Учеството на Северна Кореја во војната во Украина е оправдано