Медведев се појави: Прашањето за Крим затворено
Прашањето за присоединувањето на Крим кон Русија е затворено и времето покажа дека таа одлука била правилна, изјави рускиот претседател Дмитриј Медведев во интервју за словенечко „Дело“ пред посетата на Љубљана, јави ТАСС.
- Прашањето за Крим е навистина затворено и го затворија пред се самите жители, решавајќи за својата судбина на 16 март минатата година, рече рускиот премиер и напомена дека населението на полуостровот гласало со апсолутно мнозинство за враќање кон Русија.
- Обидите на оние кои некогаш го подготвија отцепувањето на Косово од Србија без каков и да е референдум, да го поставуваат под сомнение слободното изразување на народот на Крим е лишено од секаква логика, тие се просто апсурдни, смета Медведев.
За жал САД и ЕУ „го искористија изборот на жителите на Крим како предлог за серија антируски мерки, вклучувајќи прекин на билатералните контакти во повеќе области, воведување нелегитимни економски санкции против наши компании и банки“, додаде тој.
Во интервју Медведев изрази надеж дека „Вашингтон ќе се врати на прагматичните позиции“, но додаде дека „санкционата инерција“ може да се задржи во САД за долго време.
Во однос на ЕУ тој изјави дека санкциите на унијата против Русија не ја постигнале целта и ги удриле како бумеранг оние кои ги вовеле, причинувајќи загуби на европскиот бизнис за десетици милијарди евра.
Ново на Сител
-
Аналитичари: Ако се укине балансерот, можни се турбуленции во политиката
-
Мајка и ќерка пронајдени мртви во тетовско Слатино
-
Тема на денот со Гордана Димитриеска Кочоска, министерка за финансии
-
Преглед на вести од светот
-
Мендух Тачи и официјално надвор од Европскиот фронт, ДУИ сè уште го бројат за нивен
-
Муртезани: Се бара ново решение за спорот со Бугарија со претставници од ЕУ, ќе биде обелоденето по бугарските избори
-
Лидерите од регионот порачаа: Европската унија не е целосна без Западен Балкан
-
Македонија се задолжи 500 милиони евра во Унгарија