Медицински центар од Бугарија започна со вакцинација на македонски граѓани
Медицинскиот центар „Комак Медикал“ на д-р Милен Врабевски со помош на повеќе бугарски министерства и Царинската агенција, започна со вакцинирање против Ковид-19 на граѓани од Македонија на граничните пунктови Станке Лисичково – Делчево и Златарево – Ново Село на бугарско-македонската граница, јави дописникот на МИА во Софија.
Оние кои сакаат да се вакцинираат ќе можат да го сторат тоа само по претходна резервација на телефон: +359 886 800 264 (Viber) и +359 882 516 981 (Viber). Откако ќе изјават желба за вакцинирање на овие телефони, тим на „Комак Медикал“ ќе контактира со луѓето за конкретен датуми и време за вакцинирање. Кампањата започна по одобрение добиено од поранешната бугарска влада на Бојко Борисов.
Како што изјави Врабевски за МИА, граѓаните на Македонија нема да имаат потреба од ПЦР тест, бидејќи вакцинацијата ќе се врши во пограничната област на двете земји. Тој минатата среда најави дека отвора зелени коридори за вакцинација, а на пунктовите ќе се користат сите вакцини одобрени од ЕУ.
Врабевски е еден од најуспешните иноватори, претприемачи и лидери на јавното мислење во Бугарија. Сопственик е и извршен директор на најголемата истражувачка организација во Југоисточна Европа, „Комак Медикал“. Член е на глобалната иницијатива на Бил Клинтон и добитник на престижната награда „Европски граѓанин на годината“ за извонреден придонес во ширењето и промовирањето на европските вредности и мултикултурниот дијалог преку иницијативи за интеграција, социјализација и европски перспектива на младите во Бугарија, Западен Балкан и Источното партнерство.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп