МДТ: Владата ги усвои Законот за електронски комуникации и првиот Закон за сајбер безбедност
Владата денеска усвои два стратешки и суштински закони за иднината на дигиталното општество: новиот Закон за електронски комуникации и првиот Закон за безбедност на мрежи и информациски системи (сајбер безбедност), соопштија од Министерството за дигитална трансформација.
Со ова, како што стои во соопштението, се отвора ново поглавје во дигиталната трансформација на земјата и се поставуваат темелите за модерна, сигурна и транспарентна држава.
Овие два закона се дел од Реформската агенда за дигитализација и транспарентност, и се целосно усогласени со NIS 2 директивата на Европската Унија, како и со мислењето на Уставниот суд на РМ.
Закон за електронски комуникации, се подвлекува во соопштението, ги јакне правата на корисниците и гарантира повисоко ниво на заштита на личните податоци, воведува јасна правна рамка и транспарентност во работењето на операторите, обезбедува поголема конкурентност и регулаторна сигурност и ги дефинира надлежностите на Агенцијата за електронски комуникации, со фокус на отчетност и ефективен надзор.
Закон за сајбер безбедност воспоставува национален модел за управување со сајбер ризици, се создаваат нови институционални капацитети, Национален координативен совет за сајбер безбедност, Владин SOC – центар за одговор на сајбер инциденти, Сектор за сајбер безбедност во рамки на Владата, обезбедува поддршка за јавните институции и операторите од критичната инфраструктура и обврзува на ангажирање на сајбер професионалци во сите институции од критично значење.
– Со донесувањето на овие два закона, Македонија прави крупен исчекор во европската интеграција и ја поставува дигиталната агенда како столб на идниот развој. Ова е конкретен резултат од визијата за дигитална Македонија, транспарентна, сигурна и иновативна, стои во соопштението од Министерството за дигитална трансформација и се додава дека визуелизацијата е направена со помош на вештачка интелигенција.
Ново на Сител
-
Тема на денот со Васко Наумовски, поранешен вицепремиер за евроинтеграции
-
Вработените во јавниот сектор ќе примаат подароци до 50 евра, без да се сметаат за мито
-
Незадоволство во Бугарија по усвојувањето на извештајот за Македонија во ЕП
-
Трамп - И Израел и Иран не го почитуваат примирјето
-
Мајка и три деца попладнево со авион ќе бидат евакуирани од Тел Авив во Атина
-
Почна дводневниот самит на НАТО
-
Извештајот на Вајц со „Македонски јазик и идентитет“ усвоен во АФЕТ - одбиени амандманите на бугарските европратеници
-
Таткото тепач во притвор, за детето жртва на насилство неопходна е стручна помош