Маж и жена од струмичкото село Мокриево го загубија животот во тешка сообраќајна несреќа
Маж и жена од струмичкото село Мокриево го загубија животот во тешка сообраќајна несреќа која се случи доцна попладне на излезот од селото Колешино.
Се работи за двајца сопружници на возраст од 70 и 69 години кои најверојатно поради неприлагодена брзина на нивното возило излетале од коловозот и завршиле во каналот покрај патот. Од тешките повреди и двајцата починале на лице место, а лекарот од итната медицинска помош само ја констатирал смртта.
Поради големите оштетувања на возилото во извлекувањето на телата се вклучија и пожарникарите од струмичката противпожарна единица. Жителите на околните куќи во шок. Никој не видел како дошло до несреќата, единствено што слушнале бил силниот тресок.
За околу 24 часа и на оддалеченост од неколку километри ова е втора сообраќајна несреќа во која животот го загубија жители од истото село. Вчера вечер на локалниот пат Ново Село Мокриево загина и 38 годишник од ова населено место , а уште две лица беа повредени.
Сега веќе починатиот бил сопатник во патничко возило кое од изгубило контрола и излетало од патот.
Ново на Сител
-
Муцунски: Наскоро ќе почнат консултациите за нови амбасадори и пополнување на местата во конзулатите
-
Нови израелски напади врз областа околу Бејрут
-
Приведено лице за издржување на тригодишна казна затвор
-
Промена на времето со значителен пад на дневната температура
-
Санкции за правно и физичко лице поради неправилности при јавен превоз со товарно возило
-
Почина родилка во Куманово
-
Казнети три ресторани и месарница во Кавадарци, уништени 87 килограми небезбедна храна
-
Најмалку десет загинати и 11 повредени во експлозија на бензинска пумпа во Русија