„Мазев и јас“ - годишна изложба на основни училишта
Националната галерија на Македонија денеска ќе отвори годишна изложба на основни училишта, насловена „Мазев и јас“. Изложбата ќе биде во објектот Даут-пашин амам каде што веќе два месеца е поставена изложбата „Петар Мазев, 90 години од раѓање“.
- Овој проект кој го презентира делото на бардот на македонската модерна и постмодерна беше вклучен во едукативната програма на Националната галерија на Македонија. Беа одржани работилници во кои учествуваа ученици од основните училишта од Скопје. Младите креативци најнапред имаа можност да ја разгледаат изложба на Петар Мазев, а на ликовните работилници, црпејќи инспирација од неговото творештво, создаваа уметност совладувајки ги првите чекори на сликарските техники. Создадоа необични и оригинални творби кои носат заеднички потпис „Мазев и јас“, соопшти НГМ.
Годишната изложба на основните училишта ќе биде хуманитарна, а со собраните средства од донации ќе биде обезбеден сликарски прибор за учениците со оштетен слух и говор, штитеници на „Партенија Зографски“ од Скопје. Изложбата ќе биде поставена до крајот на годинава.
Ново на Сител
-
Флорида прогласи вонредна состојба во 35 окрузи поради заканата од тропската бура Милтон
-
Стармер изрази загриженост поради „одвратната омраза“ кон Евреите и муслиманите од 7 октомври 2023
-
Попко: Украинската ПВО одби нов напад на руските дронови врз Киев
-
Димитриеска-Кочоска: Ги консолидиравме и стабилизиравме јавните финансии, потврда добивме и од „Фич“
-
ЦУК: По обилните врнежи, водата во Гостивар не е безбедна за пиење
-
Во БиХ денеска се одржуваат локални избори, освен во пет општини на ФБиХ поради поплавите
-
Изменет сообраќаен режим во Скопје
-
Литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан