Мартинез ја напушти клупата на Белгија
Селекторот на Белгија, Роберто Мартинез, ја презеде одговорноста за елиминацијата на неговиот тим во групната фаза на Светското првенство во Катар и по вечерашното реми 0-0 против Хрватска поднесе оставка на должноста.
„Се збогувам со репрезентацијата, а тоа како што можете да замислите е многу емотивно“, изјави на прес – конференцијата по натпреварот Мартинез, кој ја предводеше Белгија од 2016 година.
„На минатото Светско првенство завршиме на третото место. Сега турнирот го завршивме веќе во групната фаза и тоа секако е неуспех за белгискиот фудбал. Против Канада не бевме вистинските, но победивме. Потоа сосема заслужено загубивме од Мароко, додека против Хрватска. Создадовме многу шанси, но не успеавме да постигнеме гол. Штета, тажни сме, но мислам дека поради овој последен натпревар може со крената глава да го напуштиме првенството. Ова не е крај на златната ера на белгискиот фудбал, во нашиот состав имаме многу млади и квалитетни играчи“, додаде Мартинез.
Ново на Сител
-
Пожарот изгасен, обид за кражба во зградата
-
29 години од атентатот врз Kиро Глигоров
-
Тема на денот со Весна Јаневска, министерка за образование и наука
-
Новото раководство на ЕСМ обвинува за хаос во РЕК Битола
-
Тројца загинати во директен судар
-
Пожарот изгасен, обид за кражба во зградата
-
Џафери и Апасиев пред Уставен, дали постои политичка дискриминација?
-
Мицкоски и Таравари до Ахмети: Добро е, се навикнавте да сте опозиција