Маричиќ - Пич: Западен Балкан мора во ЕУ, нема друга опција за трајна стабилност на регионот
Обединетото Кралство продолжува да дава поддршка на ЕУ интеграција на Западен Балкан, со очекување Северна Македонија да го забрза процесот на преговори со ЕУ, истакнал британскиот специјален претставник за Западен Балкан, Лорд Стјуарт Пич на денешниот состанок со вицепремиерот за европски прашања Бојан Маричиќ.
Маричиќ и Пич, како што соопшти Секретаријат за европски прашања, се согласиле дека секое кочење на евроинтеграцијата ќе значи простор за мешање на трети страни.
На средбата било разговарано за текот на преговорите и идните планови на Северна Македонија на патот кон ЕУ, како и за политичките случувања во регионот.
Вицепремиерот Маричиќ укажал дека Северна Македонија припаѓа на заедницата на европски вредности и ја посочил важноста на политичката посветеност која ја имаме од Обединетото Кралство на патот кон ЕУ, како и севкупната поддршка во нашите демократски и реформски процеси.
Соговорниците, како што е наведено во соопштението од СЕП, ја нагласиле важноста од соработката и постојаната комуникација меѓу сојузниците и искрените пријатели како што се Северна Македонија и Обединетото Кралство, особено во сегашниот сложен геополитички момент.
Како НАТО партнери и сојузници на патот кон ЕУ, Маричиќ и Пич посочиле дека и Северна Македонија и Обединетото Кралство имаат иста цел и заеднички работат регионот да успее во пристапните преговори за краток временски период и да ја забрзаме интеграцијата, како што кажал Маричиќ „со исполнување на обврските и задачите од Поглавјата 23 и 24, односно во делот на владеењето на правото, борбата против организираниот криминал и корупцијата, на што Владата е целосно фокусирана“.
Ново на Сител
-
ВМРО-ДПМНЕ: Институциите работат професионално и првпат пред лицето на правдата се изведуваат сегашни и поранешни функционери
-
СДСМ: Селективна правда не е правда, зошто ниту еден актуелен функционер не е опфатен со истрагата?
-
Одложена седницата на Советот на јавни обвинители на која требаше да се разгледува барањето за разрешување на Коцевски
-
Од утре поинтензивни врнежи, грмежи и засилен ветер
-
Зеленски оди во Париз на разговори со Макрон пред самитот за Украина
-
Четворица лихвари од Охрид изнудиле вкупно 17.990.000 денари
-
Приведен крадец во битолско, одзел нафта и масло од фирмата каде што работел
-
Таравари: Се враќаат пет пациенти од Шпанија и еден од Грција