Манифестација „Среќна баба Марта“ во Крива Паланка
Манифестација насловена „Среќна Баба Марта“ со повеќе настани посветени на значењето и старата традиција за доаѓањето на март ќе се одржи в сабота во Крива Паланка.
Организатор е локалната установа Градски Музеј-Крива Паланка во соработка со општината и „Хаемос“, Центар за научни истражувања и промоција на културата - Скопје.
- Манифестацијата ќе започне со отворање на традиционална меѓународна изложба на мартинки од подрачјата на Македонија, Бугарија и Романија, која ќе биде поставена во галерискиот простор на музејот, предавање за значењето на популарниот празник „Мартинци“ во Македонија и областите каде тоа се задржало, што ќе го одржи професор д-р Зоранчо Малинов од Институтот за Фолклор „Марко Цепенков“ од Скопје, а ќе се реализира и работилница за правење традиционални мартинки во која ќе бидат вклучени децата, изјави Драган Величковски, директор на Градскиот музеј во Крива Паланка.
Планирано е да се одржи и базар на рачни ракотворби со ракотворци од Североисточниот регион, а на саемот ќе се продаваат и ракотворби изработени од членови на „Хаемос“.
Настанот се одржува под мотото „Подарете мартинка за среќа, љубов и здравје“, а почетокот е закажан за 12 часот во Градскиот музеј-Крива Паланка.
Ново на Сител
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население
-
Од вторник повторно нестабилно време со пороен дожд и грмежи
-
Дачиќ: Синагогата во Белград е можна првична мета на терористичкот напад во Белград
-
Северна Кореја: Односите меѓу Јужна Кореја, САД и Јапонија се развија во азиска верзија на НАТО