Макрон побарал од Путин да го повлече тешкото и лесното оружје од Запорожје

Францускиот претседател Емануел Макрон денеска му порача на својот руски колега Владимир Путин дека руската окупација е причина за опасност за украинската нуклеарна централа во Запорожје и побара од него да го повлече „тешкото и лесно оружје“,, соопшти Елисејската палата.

Кремљ претходно денеска објави дека Путин во телефонски разговор со Макрон го предупредил францускиот претседател за можните катастрофални последици од украинските напади врз нуклеарната електрана, која е во рацете на руските сили.

Електрана на југот на Украина беше бомбардирана неколку пати во последните недели, а Москва и Киев меѓусебно се обвинуваат за нападите.