-->
-->
Македонските кошаркари ја започнаа „операцијата – Евробаскет’’
-->
Кошаркарската репрезентација на Македонија со првиот тренинг одработен утринава во СЦ Јане Сандански ги започна подготовките за Европското првенство во септември.
Предводени од новиот селектор Марјан Србиновски и спортскиот директор на МКФ, Заре Марковски, македонската кошаркарска репрезентација ја започнаа „операцијата – Евробаскет’’.
На првиот тренинг, единствено недостасуваше Ричард Хендрикс кој на „црвено-жолтите„ ќе им се приклучи за 30 јули.
Новиот селектор Србиновски посака првенствено подготовките да минат во најдобар ред, и сите здрави, да го дочекаат стартот на шампионатот закажан за 5 септември.
На тренингот присуствуваа и повратниците Кире Николовски, Владо Илиевски и Предраг Самарџиски, кои ги пропуштија минатогодишните квалификации.
Според планот, првиот дел од подготовките ќе се одработат во Скопје, каде ќе се тренира двапати дневно, а на 6 август се заминува за Охрид, каде од 7 до 9 август ќе одигра натпревари со Украина и Израел селекција со која на 10 август ќе играат и во Скопје. До стартот на шампионатот предвидени се вкупно 10 контролни натпревари, по што нашите кошаркари заминуваат за Загреб каде на 5 септември со дуелот против Грција ќе го започнат петтиот настап на завршницата на континенталното првенство, на кое за противници ќе ги има и селекциите на: домаќинот Хрватска, Словенија, Холандија и Грузија.
И овој настап како и изминатите четири на нашите најдобри кошаркари на завршницата на ЕП, љубителите на спортот во Македонија ќе имаат можност да го следат ексклузивно на телевизија Сител.
-->
-->
-->
Ново на Сител
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“
-
Трамп за Волстрит Журнал: На Путин му реков дека ќе го гаѓам центарот на Москва доколку ја нападне Украина
-
Неизвесен за натпреварот со Порто - Борозан нападнат од кучиња скитници
-
Уапсени две лица барани од Интерпол-Австрија и Интерпол–Словачка
-
Намалување на цените на горивата
-
Царинските службеници запленија техничка стока, цигари, електронски цигари, лековити билки