Македонските кадети поразени од Шведска

 

 Македонската кадетска кошаркарска репрезентација е поразена од соодветната селекција на Шведска во пријателски натпревар одигран во Маврово.

 

Избраниците на селекторот Горан Ѓорѓиевски загубија од Швеѓаните со 79:86, по четвртини 16-26, 25-14, 19-23 и 20-22.

 

Бошковски со 20 поени беше нашиот најефикасен кошаркар, додека Миловановиќ постигна 17, а двоцифрен број на поени имаа и Исајлоски 11 и Кацарски 10.

 

Оваа селекција веќе утре патува за Софија, на ЕП, кое црвено-жолтите ќе го започнат во четврток со средбата против Грузија. Во рамките од Д групата противници на Македонија редоследно ќе бидат и репрезентациите на: Косово, Велика Британија, Португалија и Луксембург