Македонската полиција пронајде и уапси Србин: Свирепо го убил својот брат, се криел во кавадаречко

Македонската полиција пронајде и уапси Србин, кој се барал по Интерпол затоа што свирепо го убил неговиот брат.

- Полициски службеници од Одделот за криминалистичка полиција - Сектор за општ и насилен криминал при МВР по добиено барање од Интерпол Белград, а во координација со Секторот за меѓународна полициска соработка, СВР Куманово, ОВР Кавадарци и РЦ за ГР Север, на 29.09.2021 на територија на општина Кавадарци, во место викано Шамаци, го пронајдоа и  лишија од слобода српскиот државјанин А.Ф. (43) од Пожаревац, кој во Република Србија е осомничен за сторено кривично дело “свирепо убиство“ на неговиот брат, информираат од МВР.

Приведениот е предаден на полициските служби на Република Србија за понатамошна постапка.