Македонија во жолта фаза, се приближува циклон кој носи големо невреме!
Среда е денот од оваа недела кој ќе донесе „најнезгодно“ време. Времето ќе биде типично пролетно-циклонско. Наоблачувањето наутро нема да донесе особен дожд, но затоа околу пладне и попладне со прогресија југозапад- североисток го очекуваме „максимумот“ на атмосферскиот фронт., пишува специјализираниот портал за временска прогноза МетеоПро.
Врнежите ќе бидат локално поинтензивни, но нема да траат особено долго со тој интензитет. Локално се очекува појава на грмежи, но нема да бидат особено чести.
Може да се каже дека југоисточниот крај очекува поинтензивни атмосферски процеси. Овие врнежи нема да претставуваат потенцијален ризик за влошување на хидролошката состојба, односно проблeматично зголемување на водотеците не се очекува.
Ќе дува умерен до засилен југоисточен ветер низ целата земја. Ветерот ќе има повремен променлив правец во областите со поинтензивни врнежи.
Во текот на вечерта врнежите ќе слабеат и постепено ќе престануваат.
Минималната температура насекаде ќе биде позитивна.
Температурата ќе има максимална вредност генерално во границите од 15°С до 18°С
Во скопскиот регион врнежи се очекуваат околу пладне и попладне. Повремено интензитетот а врнежите во попладневните часови ќе се зголемува, а очекуваме и ретка појава на грмежи. Ќе дува умерен до засилен југоисточен ветер.
Максималната температура ќе има вредности околу 16°С.
Ново на Сител
-
Агелер: Немате поголем поддржувач и партнер во остварување на вашите цели од САД
-
Еминем преку видеоспот објави дека ќе стане дедо
-
Подарок од срце за Светскиот ден на животните: dm донираше 678 килограми храна на три скопски прифатилишта за кучиња
-
Таравари вети вработување на половина од средно медицинскиот персонал што работи со договор на дело
-
Коцевска: Нема потреба од носење на Закон за амнестија, треба поголема примена на условниот отпуст со заштитен надзор
-
Расчистени повеќе диви депонии во општините Сарај, Карпош, Центар, Бутел и Чаир
-
Кликс: Најмалку 10 лица загинаа во поплавите во БиХ, побарана помош од Оружените сили
-
Македонски државјанин уапсен во Косово при обид заедно со други две лица со трактор нелегално да ја премине границата