МААЕ: Иран го почитува нуклеарниот договор
Иран ги почитува своите обврски од договорот на иранската нуклеарна програма, што го потпиша во 2015 година со шесте светски сили, соопшти денеска Меѓународната агенција за атомска енергија (МААЕ).
Во својот тримесечен извештај за спроведувањето на нуклеарниот договор, МААЕ посочува дека иранските резерви на осиромашен ураниум и натаму се во рамки на нивоата утврдени со спогодбата.
Во извештајот се посочува и дека инспекторите на МААЕ не наишле на никакви проблеми при контролата на местата кои сакале да ги посетат и за кои се претпоставува дека Иран ги користи за развој на својата нуклеарна програма.
Извештајот на МААЕ следи еден месец откако американскиот претседател Доналд Трамп го обвини Иран дека не го почитува нуклеарниот договр, врз основа на кој му беа укинати меѓународните санкции.
Трамп најави дека САД би можеле да се повлечат од договорот, оценувајќи дека тој не го попречува Иран да работи на производство на атомско оружје.
Договорот за иранската нуклеарна програма во 2015 година беше склучен меѓу Иран и петте постојани членки на Советот за безбедност на ОН - Велика Британија, Кина, Русија, САД и Франција, плус Германија.
Ново на Сител
-
Невреме во Букурешт: Поплави, соборени дрвја и доцнења на летови
-
Вo среда наутро во Скопје авионска дезинсекција против комарци
-
МВР: Кривична пријава против 23 физички и 15 правни лица, предизвикале штета на буџетот од над 94 милиони евра
-
Собранието ги изгласа новите кадровски решенија на Влен
-
Се шири болеста чума кај малите преживари во Албанија, стигна и во погранична област во близина на Дебар
-
Поднесени кривични за две лица од Делчево осомничени за „предизвикување општа опасност“ и „бесправно градење“
-
Полициски службеници евакуираа и транспортираа повредено лице од планината Јабланица
-
Муцунски во посета на Казахстан: Во фокусот економската и политичката соработка