-->
-->
ЛШ: Сити го предизвикува Реал
-->
Манчестер Сити и Реал Мадрид, во вторник (20:45), ќе го одиграат првиот полуфинален натпревар во Лигата на шампионите. На „Етихад“ стадионот ќе се судрат клубовите кои изминатите години на трансфери на фудбалери, заедно потрошиле повеќе од една милијарда евра. Сити е дебитант во оваа фаза, за разлика од Реал за кого ова е 28 полуфинале во ова натпреварување, а во клупските витрини има десет трофеи.
Кун Агуеро, Де Брујне, Давид Силва, Венсан Компани, против Роналдо, Бејл, Бензема, Модриќ гарантираат спектакуларен двомеч за влез во финалето. Педантните статистичари пресметале дека од 2009 година наваму Манчестер Сити на трансфери потрошил 515 милиони евра, а Реал педесетина милиони повеќе, односно 560 милиони евра.
Од играчите кои ќе бидат во составите Сити не платил обештетување само за Бакари Сања и Ихеначо, додека кај Реал таков е случајот со Начо и Хесе.
Реал во понеделникот пристригна во Манчестер, навидум во добро расположение, но тренерот Зидан има главоболки со повредените играчи, односно со двајцата најдобри стрелци.
Роналдо и Бензема, пред поаѓањето за Манчестер не тренирале со тимот. Португалецот работел индивидуално, додека францускиот напаѓач воопшто не се појавил на тренингот.
Сепак најавите од таборот на „кралскиот клуб“ се дека двајцата ќе бидат подготвени за овој важен меч.
Проблеми со повредени играчи има и Пелегрини, тој тимот ќе го составува без клучниот играч во средниот ред, Јаја Туре.
Инаку Пелегрини не открива дали Роналдо ќе добие посебен чувар (Сања или Забалета), но самоуверено изјавил дека знае како да го запре Поругалецот. Роналдо како играч на Јунајтед четири пати играл против Пелегрини и интересно сите мечеви завршиле 0:0.
„Целиот тим мора да одигра на врвно ниво. Секој играч сонува да игра против најдобрите, а Реал е еден од најуспешните тимови во историјата. Доколку не сонувате за вакви натпревари, тогаш не го сакате фудбалот“, изјавил капитенот на Сити, Венсан Компани.
Гостите од Мадрид посакуваат гол во мрежата на Харт, со кој дополнително ќе си ги зголемат шансите за пласман во финалето.
„Најважно е да постигнеме гол. Многу подобро играме на домашен терен и таму објективно имаме поголеми шанси. Доколку останеме непоразени во Манчестер сигурно одиме во финалето“, рекол Герет Бејл.
Реал Мадрид има позитивен скор со англиските тимови, на последните осум мечеви со екипи од Англија, Реал нема пораз (6-2-0). Последен англиски тим кој го елиминирал Реал во Лигата на шампионите бил Ливерпул во сезоната 2008/2009.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп