ЛШ: Победи за Баерн и Реал Мадрид

Две убедливи победи остварија Баерн и Реал Мадрид на првите осминафинални дуели од Лигата на шампионите. Баерн на „Минхен Арена“ го совлада Арсенал со 5:1. Головите за Баерн ги постигнаа: Робен во 11.минута, Левандовски во 53.минута, Алкантара во 56 и 63.минута и Милер во 88.минута. Голот за Арсенал го постигна Санчез во 30.минута.

На „Сантијаго Бернабе“ Реал Мадрид го победи Наполи со 3:1, иако гостите поведоа со голот на Исиње во 8.минута. Стрелци за Реал беа: Бензема 18.минута, Крос во 49.минута и Касемиро во 54.минута.

На вчера одиграните дуели: ПСЖ - Барселона 4:0 и Бенфика - Борусија Дортмунд 1:0.

На 21.февруари играат: Баер Леверкузен - Атлетико Мадрид и Манчестер Сити - Монако, додека следниот ден на програмата се двојките:Порто - Јувентус и Севиља - Лестер.