ЛШ: Одличен резултат на Динамо Загреб

Динамо Загреб на македонскиот репрезентативец Аријан Адеми, има одлична шанса да се пласира во групната фаза на Лигата на шампионите и да обезбеди десетина милиони евра, откако успеа на гостувањето во Швајцарија кај Јанг Бојс да извлече 1:1.

 

Голот на гости може да биде одлучувачки за пласман во богатата ЛШ, а резултатот дојде откако домашните доминираа во првиот дел од натпреварот и дојдоа во водство уште во втората минута преку Мбабу. Хрватскиот шампион ја искористи својата шанса во 40-тата минута кога Мислав Оршиќ избегна офсајд-стапица се најде на вистинското место за 1:1.

 

 

Другиот славен Динамо, тој од Киев, немаше толку среќа на гостувањето кај Ајакс и загуби со 3:1. Ван дер Бек, Зијач и Тадиќ беа стрелци за „копјаниците“, а мала утеха за Динамо е што постигна гол во гости и сега им треба 2:0 за пласман понатаму.

 

Позитивен резултат не успеа да оствари ниту тимот на Бобан Грнчаров, унгарскиот МОЛ Види, откако во меч со два црвени картони загуби со 1:2 од АЕК Атина.