Лондон сака нов безбедносен договор со ЕУ по Брегзит
Британската Влада соопшти дека сака со Европската Унија да склучи нов договор за безбедност, што ќе дозволи продолжување на соработката во борбата со криминалот и тероризмот по Брегзит, пренесоа француските медиуми.
Владата преку коминике соопшти дека сака договор што „ќе ја претставува правната рамка за продолжување на полициската соработка, соработката во областа на безбедноста и казненото право по нашето излегување“.
Тоа, соопшти официјален Лондон, ќе овозможи да се избегне појавата на „дупки во оперативната активност“ по Брегзит, предвиден за март 2019 година.
„Ефикасната меѓународна соработка е апсолутно неопходна како за Обединетото кралство, така и за ЕУ, доколку сакаме да ја гарантираме безбедноста на нашите граѓани и криминалците да ги изведеме пред суд“, во коминикето посочи министерот за Брегзит, Дејвид Дејвис.
Работниот документ е дел од серијата текстови, во кои Лондон ги изложува своите позиции за клучните прашања по разводот од ЕУ, вклучувајќи ја и северноирската граница. Во него се очекува Владата на Тереза Меј да каже дали ќе остане во Европол - агенцијата која ги поддржува земјите членки на Унијата во борбата против организираниот прекуграничен криминал и тероризмот.
Ново на Сител
-
Авион на Боинг принудно слета на аеродромот во Истанбул, екипажот безбеден | ВИДЕО
-
Се урна конструкција на рингишпил, повредени 13 деца од кои едно е во животна опасност во Куршумлија
-
Во Охрид до 13 часот на изборите излегле околу 27 проценти, во Дебрца 26 отсто од гласачите
-
Во Велес до 13 часот излезноста е 30,08 за претседателски и 30,57 за парламентарни
-
Кавадарци со близу 30 отсто излезност до 13 часот
-
Во Крушево до 13 часот излезноста е над 34 проценти, а во Долнени двојно помала
-
Излезноста до 13 часот за претседателски избори е 23,95% , за парламентарни 25,84
-
Јавното обвинителство поднесе пријава за поткуп во Велес за две лица