Лондон: Идентификуваниот напаѓач и претходно бил осудуван
Британската полиција го идентификуваше денеска мажот кој вчера со автомобил удри во пешаци и уби три лица пред Парламентот во Лондон.
Напаѓачот е Халид Масуд (52), кој повеќепати е осудуван за извршување на кривични дела, но ниту еднаш за некое дело поврзано со тероризам.
Масуд бил познат по „бројните пресуди“ и живеел во Западен Мидленд, англиски округ, каде полицијата спроведе рација во текот на ноќта.
Тој е роден во Кент, а само краток период живее во централниот дел на Англија, додаде британската полиција.
- Масуд не беше предмет на каква било актуелна истрага и не постоеа претходни разузнавачки податоци за неговата намера да изврши терористички напад, стои во соопштението.
Тој претходно бил осудуван за нанесување тешки телесни повреди, поседување на оружје и загрозување на јавниот ред.
Првпат е осуден во ноември 1983, а последен пат во 2003 година.
Пет лица загинаа, а 40 се повредени во вчерашниот напад во Лондон на мостот Вестминистер во реонот на парламентот. Меѓу нив има еден полицаец, тројца цивили и напаѓачот, кој беше ликвидиран во близина на парламентот.
Претходно, Британската премиерка Тереза Меј изјави дека полицијата го знае идентитетот на напаѓачот, кој вчера со автомобил удри во пешаци и уби три лица пред Парламентот во Лондон.
Таа истакна дека напаѓачот е роден во Велика Британија, но неговиот идентитет не се открива се додека не заврши истрагата на Скотланд Јард.
Одговорноста за нападот ја презеде Исламската држава.
Ново на Сител
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО
-
71-годишен кумановец загина во сообраќајка при судар со товарно возило
-
Кривична пријава против две лица од Велешта кои му се заканувале на пратеник од Струга
-
ЦУК: 15 пожари на отворен простор, девет активни и шест под контрола
-
Од ноќеска нестабилно со пороен дожд и грмежи и услови за краткотрајно невреме, особено во четврток
-
Митевски: Најдоцна до крајот на септември зонско паркирање во Ново Лисиче и Реонски центар
-
Поевтинуваат бензините и дизелот
-
Повторно поставен споменикот на Андон Лазов-Ќосето