Локални избори во Романија
Над 18 милиони Романци со право на глас денеска треба да се изјаснат за избор на градоначалници и членови на општинските совети.
Изборите се одржуваат во сенка на обвиненијата за корупција против десетици актуелни и поранешни носители на јавни функции, меѓу кои се и некои од кандидатите на денешното гласање.
Според романските медиуми, дури 51 од 109-те актуелни градоначалници на поголемите општини се обвинети или против нив се води истрага за корупција и злоупотреба на функцијата. Меѓу обвинетите за примање мито е и досегашниот градоначалник на Букурешт, Сорин Опреску, како и пет од шестмината градоначалници на општините во романскиот главен град. Двајца од осомничените се кандидати за градоначалници и на денешните избори.
Аналитичарот Раду Магдин оценува дека денешните избори се прв тест за актуелната романска политичка класа по серијата коруптивни афери и големиот трагичен пожар во дискотеката во Букурешт во октомври минатата година, кој доведе до оставка на Владата на премиерот социјалдемократ Виктор Понта и формирање на владин Кабинет составен од независни експерти и технократи,
Магдин оценува дека на денешните избори најмногу гласови ќе освои Социјалдемократската партија (ПСД), што според него, ќе претставува удар за десноцентристичката Национално либерална партија (ПНЛ) и остантите десни партии во пресрет на парламентарните избори предвидени за на есен.
Гласањето ќе трае до 20 часот, а првите резултати се очекуваат доцна вечерва.
Ново на Сител
-
Европската Суперлига ќе започне во 2025 година
-
Европските клубови и фудбалери покренаа голем случај против ФИФА
-
Менди покрена тужба против Манчестер Сити, бара 11 милиони фунти
-
Поради компликации со повредата, Алаба може да стави крај на кариерата
-
Погба може да ја продолжи кариерата во САД
-
Станојковски и Николов ја претставуваат Македонија на ЕП во пинг-понг
-
Израелска армија во последните 24 часа погодила 230 цели во Газа и Либан
-
Албанија го отвора првиот кластер на преговори за пристапување во ЕУ