Љупчо Николовски: Сите волонтери на СДСМ на располагање на институциите, одговорно во борбата со коронавирусот
Се справуваме со глобална пандемија од коронавирусот и тоа од нас бара крајна одговорност, посветеност и внимателност.
Одговорност има секој од нас, секој поединец.
Затоа многу е важно секој граѓанин целосно да ги почитува мерките, препораките и задолженијата од надлежните институции. На тој начин сите го даваме придонесот за заштита на најавжаното – здравјето.
Институциите прават се за да ја спречат закана, да ги заштитат граѓаните и да се справат со последиците.
Сега е време секој од нас, сите ние заедно, да им помогнеме така што ќе ги почитуваме нивните препораки и ќе се придржуваме до секоја мерка.
СДСМ како одговорна и сериозна партија низ општинските структури создаде мрежа од млади волонтери, храбри луѓе кои не се во ниту една ризична група, спремни својот волонтерски ангажман да им го стават на располагање на институциите.
Ја информирам јавноста дека сите наши волонтери низ целата држава ги ставаме на располагање на надлежните институции кои имаат потреба од волонтери, како Црвениот крст, општинските сервиси но и секоја друга институција на која сега или во иднина ќе и биде потребно.
Согласно потребите на институциите, ќе се вклучиме и заедно ќе помагаме. Делувањето и вклучувањето на волонтерите ќе биде исклучиво под палката и насоките на надлежните институции.
Тоа е одговорно, институциите ќе проценат каде и за што има потреба, на каков начин ќе им се помага на граѓаните.
Во деновиве пред нас да ги тргнеме сите поделби, сите различности и да се сплотиме во предизвикот да го заштитиме нашето здравје.
Сечие здравје е важно, секој човек е важен.
Да продолжиме дa се однесуваме одговорно, сериозно, зрело и смирено.
Заедно сме сплотени во маката, но и заедно ќе излеземе од неа како победници.
Обраќање на генералниот секретар на СДСМ, Љупчо Николовски
Ново на Сител
-
Претрес во валандовско, пронајдена дрога, приведен дилер
-
Голема полициска акција во Тетово и Охрид - Се вршат претреси
-
Легално се продава најзагрозената пеперутка во Европа, која се наоѓа само во Македонија
-
Финансиска полиција: Внимавајте на фиктивни платформи кои нудат брза заработка и вложувања во крипто-средства
-
Не сакам да гледам слики од децата што ги убив, изјави момчето убиец од Рибникар
-
Уапсени петмина малолетници уапсени во Сараево поради лажни пријави за бомби – утрово нови закани
-
„Бизнис Лидер“ ги награди најуспешните македонски компании за 2023 година
-
Уапсен платен убиец во Белград