Љупчо Николовски: Благодарам за довербата што сум предложен за вицепремиер за борба против корупција

Генералниот секретар на СДСМ, Љупчо Николовски вечерва на својот профил на Фејсбук објави дека во новата влада ќе биде вицепремиер за борба против корупција, одржлив развој и човечки ресурси.

– Ви благодарам што со ваша поддршка вртиме нов лист во развојот на нашата држава. Му благодарам за довербата на премиерот Зоран Заев. За тоа што ми дава голема одговорност со тоа што ме предлага на позицијата вицепремиер за борба против корупција, одржлив развој и човечки ресурси, наведе Николовски во објавата.

Тој нагласува дека давам збор оти откако ќе ја добие честа да стапи на таа позиција, ќе даде сè од себе за да донесе максимални резултати со кои граѓаните ќе се гордеат.

– Мораме да одиме напред, не смееме да застануваме. Ќе се бориме заедно и ќе донесеме нови позитивни промени. Верувам во многу подобро утре. Знам дека можеме, потенцира Николовски во објавата.