Литванија бара итно засилување на источното крило на НАТО по хаосот во Русија
Претседателот на Литванија повика на зајакнување на источното крило на алијансата по краткиот вооружен бунт на приватната воена компанија Вагнер против Москва.
Генералниот секретар на НАТО Јенс Столтенберг денеска во Вилнус ќе се сретне со претседателот Гитанас Науседа како дел од подготовките за самитот на НАТО на 11 и 12 јули во главниот град на Литванија. Клучна тема на состанокот ќе биде војната на Русија против Украина.
Претседателот Науседа се произнесе за договорот со посредство на Белорусија за смирување на кризата, според кој шефот на Вагнер, Евгениј Пригожин оди во егзил во Белорусија.
Белорусија граничи со Литванија, членка на НАТО.
Науседа предупреди дека присуството на Пригожин во Белорусија и превирањата во Русија го ставиле регионот во опасна ситуација.
„Овде не зборувам само за Литванија, туку и за НАТО како целина“, рече Науседа, а пренесе литванското радио.
„Имаме работа со голема земја, нуклеарна земја и какви било внатрешни немири неизбежно имаат последици за безбедноста на околните земји“, рече Науседа, мислејќи на Русија.
Тој рече дека се уште нема информации дали шефот на Вагнер е веќе во Белорусија и најави дека Литванија ќе распореди повеќе разузнавачки ресурси за да ги процени „политичките и безбедносните аспекти“ во Белорусија.
Ново на Сител
-
Бројот на жртви од урнатиот покрив на ноќен клуб во Санто Доминго се искачи на 225
-
Де Бруин се уште не одлучил каде ќе ја продолжи кариерата по Манчестер Сити
-
Трамп ги иззема телефоните и компјутерите од високите царини за Кина
-
Истрагата за „Пулс“ се проширува со нови 19 лица, осомничени се за „тешки дела против општата сигурност“
-
Почина Проф. Др. Александар Ношпал
-
Додик во Белград и покрај потерницата, ќе учествува на митинг за поддршка на Вучиќ
-
ВМРО-ДПМНЕ: ДУИ се обидува да избегне одговорност со евтини обиди за етничка манипулација
-
Љутков од Гевгелија: Градот на културата за 2025 година