Лига куп: Челзи го елиминира шампионот Лестер

Сите фаворити, исклучок е Евертон, го минаа третото коло во англискиот Лига куп. Евертон на домашен терен загуби од Норвич 0-2, убедливи триумфи забележаа Арсенал и Ливерпул, а Челзи го мина Лестер дури по продолженијата.

 

Иако со комбинирани состави, Лестер и Челзи одиграа извонреден натпревар. Домаќинот Лестер имаше 2-0, со головите на Оказаки во 17-та и 34-та минута, но Челзи најпрвин намали преку Кејхил во последниот напад во првиот дел, а во 49-та минута израмни Аспиликуета.

 

До крајот на регуларниот дел Диего Коста пропушти три одлични шанси, а Муса имаше една за Лестер.

 

Домаќинот, во 90-та минута остана со играч помалку, поради црвениот картон на Василевски, а Челзи во продолженијата за четири минути го реши победникот.

 

Двоен стрелец беше Фабрегас во 92-та и 94-та минута.

 

Ливерпул му гостуваше на Дерби Каунти и победи 3-0, а Арсенал во Нотингем славеше со 4-0.

 

Резултати:

 

Ботнмут-Престон 2:3

 

Дерби каунти-Ливерпул 0:3

 

Нотингем Форест-Арсенал 0:4

 

Брајтон-Ридинг 1:2

 

Евертон-Норвич 0:2

 

Лид-Блекбурн 1:0

 

Њукасл-Вулверхемптон 2:0

 

Лестер-Челзи 2:4.