Лидерката на ПАСОК избрана на претседател на нова левоцентристичка партија на Грција

Повеќе од 155.000 грчки социјалдемократи вчера ја избраа Фофи Генимата за претседател на новата левоцентристичка партија во Грција.

Генимата (52), која во моментов е претседател на ПАСОК, освои 57 проценти од гласовите. Нејзиниот противкандидат Никос Андрулакис, кој е член на Европскиот парламент и на Централниот политички совет на ПАСОК, освои 43 проценти од гласовите.

Во јули годинава, неколку социјалдемократски партии, меѓу кои ПАСОК, Потами и Демократкста левица се договорија да формираат нов левоцентристички сојуз.

Партнерите се уште немаат одлучено за формата и името на новата политичка партија, а Генимата соопшти дека во 2018 година ќе свика основачки конгрес на партијата.

Лидерот на Нова демократија Кирјакос Мицотакис и ја честита победата на Генимата.