Либиската крајбрежна стража сопре 850 мигранти на отворено море
Либиската крајбрежна стража вчера пресретна околу 850 мигранти во водите близу западниот град Сабрата, соопшти портпаролот Ајуб Касем
Мигрантите се од повеќе африкански држави и меѓу нив има 79 жени, меѓу кои 11 бремени, и 11 деца. Пловеле во гумени чамци, соопшти Касем, пренесува БТА.
Либија е основната точка на поаѓање на африканските мигранти, кои доаѓаат претежно од Супсахарска Африка, и коишто се обидуваат да стигнат во Европа преку море, организирани од посредници, со пловидби, кои се прилично несигурни и непригодни за преминување на Средоземното Море.
Миграцискиот бран се зголеми по хаосот настанат по симнувањето од власт на долгогодишниот либиски претседател Моамер Гадафи.
Над 30.000 мигранти веќе пристигнаа во Италија оваа година, преку централната средоземноморска рута, а летово се очекува нивниот пат да го следат и уште повеќе, поради се поповолните временски прилики.
Меѓународната организација за миграција утврди дека во Либија има 235.000 мигранти, но сметаат дека реалниот број е доста поголем и е некаде меѓу 700.000. и еден милион. Некои од нив или остануват во Либија, за да работат, по што се враќаат во својата земја, или пак продолжуваат кон Европа.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација