Легендарниот Јуп заминува доаѓа Ковач
Баерн Минхен веќе имаат договор со Нико Ковач како замена за Јуп Хајнкес на тренерската позиција, тврди германскиот весник „Билд“.
Хајнкес го одржа ветувањето и ќе си замине на крајот на сезоната, откако беше ангажиран како „итна“ замена за Карло Анчелоти по слабиот старт на сезоната, и Баерн веќе ја обезбеди титулата од Бундеслигата и се пласираше во полуфиналето на Лигата на шампиони.
Според „Билд“, сегашниот тренер на Ајнтрахт Франкфурт, поранешниот хрватски репрезентативец Нико Ковач веќе има договор со Баварците. Ковач оваа година изненадува со Франкфурт, бидејќи во моментов се на петтото место со шанси за пласман во Лигата на шампионите, нешто што ги импресионираше луѓето во Баерн, кои побрзаа да му дадат договор.
41-годишниот Ковач ја почна својата тренерска кариера како селектор на У-21 репрезентацијата на Хрватска, пред да ја преземе А-репрезентацијата. Тој замина во 2015 по неимпресивниот настап на СП во Бразил, по што дојде во тимот на Ајнтрахт.
Ново на Сител
-
Сашо Мијалков излегува од затвор
-
Вучиќ пристигна во Њујорк заради гласањето на резолуцијата за Сребреница во ОН
-
Путин назначи нов заменик министер за одбрана
-
Гвардиола: Поблиску сум до заминување, отколку до останување во Сити
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци