„Лед Цепелин“ обвинети за плагијат
Пејачот на рок групата „Лед Цепелин“ Роберт Плант и гитаристот Џими Пејџ се обвинети за плагијат пред Федералниот суд во Лос Анџелес.
Се работи за легендарниот евергрин „Stairway To Heaven" од 1971 година, кој наводно ги содржи почетните акорди од интрументалот „Taurus“ на групата „Спирит“ од 1967 година.
Тужбата ја поднесе Мајкл Скидмор, правен застапник на покојниот Ренди Вулф, кој е автор на „Taurus“.
Американскиот окружен судија Гери Клауснер во април заклучи двете песни се доволно слични, за да се покрене постапка за одговорност на Плант и Пејџ за авторски права. Третиот член на „Лед Цепелин“ басистот Џон Пол Џонс е ослободен од обвинението.
- Никој не ги поседува општите музички елементи, рече категорично Питер Андерсон, адвокатот на обвинетите, во воведното излагање.
„Stairway To Heaven" е песна од четвртиот албум на „Лед Цепелин“, кој беше ненасловен, но неофицијално често е нарекуван „Лед Цепелин IV“.
Роберт Плант и Џими Пејџ ги отфрлија обвинувањата со изговор дека таквите елементи се дотолку „шаблонизирани“, што и воопшто не заслужуваат авторска заштита.
Ново на Сител
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста