Лавров: САД знаат каде се позициите на џихадистите, но не даваат наредба за напади
Москва има информација дека САД точно знаат каде се распоредени позициите на Исламска држава, но не даваат наредба за изведување напади, изјави денеска за Првиот канал на руската телевизија шефот на руската дипломатија Сергеј Лавров, пренесе ТАСС.
-Се надевам дека нема никого да откријам ако кажам дека некои наши колеги од земјите кои се во меѓународната коалиција ни велат дека понекогаш имаат информација каде конкретно, на какви позиции се наоѓаат едни или други единици на Исламска држава, а командата на коалицијата (природно, САД) не дава согласност за изведување напади, објасни Лавров.
„Не сакам да правам никакви заклучоци. Кој знае какви проценки, информации и високи причини има командата, и можно е другите да не располагаат со нив. Но, такви сигнали сепак има“, дополни Лавров.
Пред ова, Лавров забележа дека е можно САД, кои тој ги нарече „нашите американски партнери“, или од самиот почеток да ја формирале својата коалиција на начин што не бил „многу промислен“ или така ја змислиле да таа ги нема овие цели, што јавно беа објавени. Коалицијата се создаваше многу спонтано: буквално за неколку дена беше објавено дека во неа влегуваат повеќе земји, почнаа некакви напади, рече рускиот министер за надворешни работи.
Тој, исто така, кажа дека кога се анализира работата на авијацијата на земјите што влегуваат во антиџихадистичката коалиција, се создава „страничен впечаток“ и дека понекогаш се „провлекува и мислата дека, освен зададената цел - борба со Исламска држава, коалицијата има и некакви други задачи.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ