КЗД: Комисијата овие денови е спречена нормално да функционира
Од Комисијата за заштита од дискриминација велат оти овие денови Комисијата е спречена нормално да функционира. Оттаму посочуваат дека Комисијата од нејзиното создавање во 2011 година е сместена во зградата на МРТВ на 20ти кат, во просторија од 20 метри квадратни. На овој начин Комисијата и така е непристапна за граѓаните, а особено за лицата со попреченост, кои имаат тешкотии да пристапат и пријават повреда на правата, особено дискриминација, се вели во нивното соопштение.
– Овие две-три недели лифтовите во зградата на МРТВ не работат, работа што Комисијата ја прави апсолутно нефункционална. Вработените и членовите имаат тешкотии да одат на работа, а граѓаните не можат да пристапат и пријават случаеви на повреда на правата или да се информираат за истите, велат од Комисијата.
Оттаму изразуваат разочарување што Владата не и доделува на Комисијата пристапни простории како што налагаат начелата за функционирање на телата за еднаквост. Сместена на 20ти кат во простории од 20 метри квадратни, а сега и со лифтови кои не работат, Комисијата за заштита од дискриминација е спречена да функционира нормално и да ја врши својата функција на заштита на правата на граѓаните.
Од Комисијата сметаат дека правната несигурност во која се наоѓа Комисијата наметната од новиот предлог Закон за спречување и заштита од дискриминација, кој предвидува престанок на мандатот на Комисијата како независно тело, спротивно на ставот на Венецијанската Комисија, прават Комисијата за заштита од дискриминација да не биде на ниво на задачата на промоција на еднаквоста и спречување и заштита од дискриминација.
Комисијата апелира до Владата и до нејзината Служба за општи и заеднички работи да обезбедат пристапни и достојни за работа простории за Комисијата за заштита од дискриминација со цел овозможување на нејзиното нормално функционирање, а се со цел заштита на правата на граѓаните.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата