КЗБ утре ќе одлучува за нови мерки, Пендаровски го свика и Советот за безбедност

Комисијата за заразни болести утре изутрина ќе го има најавениот состанок на кој треба да бидат донесени одлуки за можно воведување на нови мерки за заштита на населението од Ковид-19.

Попладнето пак во 14 часот во кабинетот на претседателот ќе се одржи и 12-тата седница на Советот за безбедност.

Според информациите од кабинетот на Пендаровски покрај членовите на Советот за безбедоност, по покана од претседателот Пендаровски, на седницата ќе присуствува и министерот за здравство, Венко Филипче.

На седницата ќе се разговара за состојбата со Ковид-19 на територија на Македонија.