Квалификации за ЛОИ: Хрватска на мегдан со Данска

И додека дуелот меѓу Македонија и Полска е во фокусот на вниманието на целокупната македонска спортска јавност, денеска во рамките од квалификациите за ракометниот Олимписки турнир во Рио, ќе се играат уште два интересни натпревари.

Во рамките на третата квалификациска група, чиј домаќин е данскиот град Хернинг, попладнево ќе се сретнат домаќинот Данска и селекцијата на Хрватска. Вториот натпревар од оваа група е дуелот меѓу Норвешка и аутсајдерот Бахреин.

Во група 2, чии средби се играат во Малме, селекцијата на Шпанија за противник ја има Словенија додека домаќинот Шведска ќе игра против репрезентацијата на Иран.

Потсетување, дека покрај натпреварот Македонија – Полска кој ќе започне од 20.30 часот, во групата 1 денеска ќе играат и репрезентациите на Чиле и Тунис.

Пласман на Олимпијадата во Рио ќе обезбедат двете првопласирани селекции од секоја група