Kвалификации за ЛОИ: Елиминиран и Јанески

По Јасин Љама и вториот македонски претставник на боксерските квалификации во Лондон , Гоце Јанески ги загуби шансите да учествува на ЛОИ во Токио

                Гоце Јанески настапи во категоријата до 75 килограми и е поразен со технички нокаут уште во првата рунда од Шпанецот Мигел Ентрера кој беше многу подобро подготвен и тргна во офанзива од самиот старт.

        Нашиот претставник го прифати предизвикот и делуваше рамноправно се до средината на рундата  кога беше изненаден од противникот со силен и прецизен удар што судијата во рингот го броеше како нокаут и ја прекина борбата.

Да потсетиме дека вчера Јасин Љама исто така во меч со прекин беше елиминиран од гркот Цаникидис.