Квалификации за ЕП 2016: Македонија поразена од Хрватска
Женската македонска ракометна репрезентација го претрпе и вторито пораз во квалификациите за ЕП 2016. Вечерва во СРЦ Кале Хрватска славеше победа со 36:22 (15:11).
Гостинската репрезентација ја оправда улогата фаворит против подмладената селекција на Македонија (просек 20,5 години).
Хрватска поведе на стартот од натпреварот со 4:1, избраничките на селекторот Симе Симовски успеаја да се вратат резултатски до негатива од – 1 (6:5 и 7:6 за Хрватска). Во тие моменти најдобарата ракометарка на Хрватска (членка на Вардар) Андреа Пенезиќ постигна четири од петте гола на својата селекција. До крајот на првиот Хрватска имаше и водство од пет гола (14:9).
На почетокот на вториот дел по серијата грешки на македонските ракометарки (не реализиран седмерец за 15:17) противничките казнија со серија од пет голови за 22:14.
До крајот на натпреварот поискусната селекција на Хрватска само ја зголемуваше предноста.
Најефикасна на натпреварот беше Пенезиќ од Хрватска со 9 голови, додека кај Македонија Ристовска реализираше 8 голови.
Следните два дуела од квалификациите Македонија ги игра против Словенија.
Хрватска е прва во групата со 4 бодови, додека утре играат Словенија – Црна Гора.
Ново на Сител
-
Млад кочанчанец врзан со селотејп на скопскиот плоштад праша „Толку ли брзо не заборавивте“
-
Васил призна вина, родителите на Фросина бараат максимална казна
-
Крвава вечер во Штип: Убиство во кафуле, обид за бегство низ наплатна рампа
-
Најголема воена парада досега во Москва
-
Јубилеј 80 години од победата над фашизмот
-
Новиот папа Лео 14-ти ја отслужи својата прва миса како водач на Католичката црква
-
Ставревски и Славевски најсериозни кандитати за иден гувернер на Народната банка
-
Генералка викенд – почна најмасовната акција за собирање на отпадот