Квалификации ОИ: Словенија ја изненади Шпанија

 

 

 

Во првиот меч до квалификациската група 2, чии средби се играат во шведскиот град Малме, селекцијата на Словенија ја изненади и победи Шпанија со 24:21. 

 

Иако Словенците по првиот дел имаа негатива од 4 гола разлика (12:16), сепак со неверојатната цврста игра во одбраната во вториот дел на Шпанците им дозволија да постигнат само 5 голови, а на спротивната страна предводени од Доленец и Маргуч да реализираат 12, за на крајот да остварат триумф со конечни 24:21.

 

Јуре Доленец со 6 и Гаспер Маргуч со 5 голови беа творци на победата на Словенија, која утре ќе игра против домаќинот Шведска, репрезентација која својот прв квалификациски меч го има вечерва и тоа во дуел со аутсајдерот Иран.