Курти: Подготвен сум за нови избори, но оставка не поднесувам
Косовскиот премиер Албин Курти изјави дека е подготвен за нови избори, но додаде дека нема да поднесе оставка, јави дописникот на МИА од Приштина.
На денешната прес-конференција по повод тригодишнината од неговата влада, Курти рече дека е подготвен да се договори со опозицијата за распуштање на Собранието, но не и за уривање на Владата.
– Во однос на барањата на опозицијата, уште еднаш ќе кажам, утре во 11 часот ќе се навршат три години од стапувањето на функцијата. Влегуваме во последната година. Вечерва во 20 часот ќе се навршат три години откако гласаа за мене и за моите министри бидејќи ги прочитав имињата на сите пред 67 пратеници да кренат раце и да кажат „за“, рече Курти.
Тој порача дека може да договори друг датум од редовниот за парламентарни избори, бидејќи, како што се изрази, тогаш кога треба да се одржат во редовниот термин, наредната зима, „може временските услови да не бидат погодни“.
– Сакаме да продолжиме да владееме, но разбираме дека тоа се последните 12 месеци. По 12 месеци, идната зима, може временските услови да не бидат погодни. Времето кога се одржаа претходните избори не беше ниту лошо ниту добро. Ако сакаме изборите да не се одржат во зима, датумите можеме да ги одредиме заедно со опозицијата. Но, не можам да поднесам оставка, рече Курти.
Тој рече дека неговата вчерашна изјава дека, како што пренесоа медиумите, опозицијата не е способна да ги обезбеди потребните гласови во Собранието за да ја урне Владата и „понудата“ да ѝ помогне да го стори тоа, претставуваат погрешно толкување на неговиот одговор на новинарско прашање.
Ново на Сител
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова