Курдските сили во Ирак почнаа опсада на градот Башика
Курдските сили, кои се дел од операцијата на ирачките безбедносни сили за ослободување на Мосул, започнаа опсада на градот Башика.
Градот, кој е оддалечен само 12 километри од Мосул, претставува важна локација на линијата за снабдување на силите на џихадистичката Исламска држава (ИД).
Еден од курдските команданти, генерал Саид Хазхар изјавил за западните медиуми дека силите на Пешмерга настапуваат внимателно, стравувајќи од напади на бомбаши самоубијци и од поставените „бомби стапици“.
Ова е втор обид на Курдите да влезат во градот.
Минатата недела тие се обидоа да извршат офанзива врз Башика, но морале да се повлечат откако наишле на силен артилериски оган од страна на џихадистите кои пукале од градот.
- Овојпат настапуваме со поинаква стратегија. Градот е заобиколен од три страни, а курдските борци се вкопуваат во неговите предградија, рекол генералот Хазхар.
Силите на Пешмерга успеале да го прекинат патот од Башика кон Мосул, помагајќи ја на тој начин офанзивата на ирачките сили кон вториот по големина ирачки град.
Мосул, како и Башика, од јуни 2014 година се наоѓаат под контрола на џихадистите на ИД.
Тие тогаш не само што ја протераа ирачката армија и овозможија џихадистите да создадат „калифат„ во териториите на Ирак и источна Сирија, туку успеаја да запленат и многу тешко оружје, што Американците им го оставија на Ирачаните.
Околу 30 илјади ирачки сили, курдската Пешмерга, племенски сили на арапските сунити, како и шиитска милиција, помогнати со воздушни напади од САД и членките на анти-ИД коалиција, се вклучени во офанзивата за ослободување на Мосул, која започна минатата недела.
Западните медиуми, повикувајќи се на разузнавачки извори, тврдат дека џихадистите од ИД почнале со егзекуции на сите осомничени за „помагање и шпионирање“ во корист на ирачките сили.
Ново на Сител
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола
-
Во Белград ќе продолжи судењето за масовно убиство во Дубона и Мало Орашје
-
Владина делегација оддаде почит пред споменикот на св. Кирил и Методиј во Скопје